Description
Die ouderdom kom met baie mankemente. Dít ervaar die susters Marie en Bettie in pynlike maar ook snaakse besonderhede wanneer hulle in Huis Lourens gaan woon en die inwoners van dié oord leer ken.
Karakters soos tant Dolly, wat op nege-en-tagtig ‘n bloedrooi rok dra en van die môre tot die aand danswysies van haar jongdae in haar kop hoor en, tartend, ‘n ouvroustemmetjie wat saamsing. Of die vername mevrou Nelson, wat nagrokke van satyn en regte bruidsonderklere dra, maar te seniel is om te weet wat sy aanhet.
Oues wat hul ydelheid deur hul kinders se prestasies wil uitleef, maar ook die beminlikes wie se stil, ry menslikheid soos herfskleure gloei. Dié wat “weggegooi” is deur hul kinders, en dié wat eenmaal sélf moes weggee – soos die oujongnooi Lina Delport, wie se verlede soos ‘n hond op haar spoor loop.
Vir Marie en Bettie is die ergste van oudword nie die aanpassing by ‘n wêreldjie wat gekrimp het tot die allernoodsaaklikste nie; dit is trouens ‘n verligting om ontslae te wees van die swaar bagasie van die lewe. Maar dat jy nie meer baas is oor jou eie liggaam nie, daarmee maak jy bitter vrede. En dan is daar die swart afgrond wat oopgaan elke keer dat ‘n bekende wegval…
Kondisie: Goed
Reviews
There are no reviews yet.